UA: Krım telekanalında yanvarniñ 18-nde «12 yantıq» programmasınıñ premyerası olacaq. Programmanı UA: Krım icra prodüseri, jurnalist Osman Paşayev alıp baracaq.
İlk programmanıñ musafiri – siyasiy ve cemaat erbabı İvanna Klimpuş-Tsintsadze.
«12 yantıq» – klassik olmağan aş pişirüv programması, munaqaşa yeridir. Programmada aş pişirip, şahsiyetni açamız. 12 musafirnen subetleşip, Qırım ve qırımtatar meselesine diqqat ayıramız. Faqat daa çoq zemane problemleri, kelecek hayaletini muzakere etemiz, musafirniñ mütehassıs olğan mevzularda laf etemiz. Qırım mevzusı tek qırımtatarlarda ya da diger qırımlılarda qalmasın istedik. Bu mevzuda çeşit saalarda çalışqanlar laf etsin isteymiz», – dep tüşüne alıp barıcı Osman Paşayev.
Leyha reberi Muslim Umerovnıñ aytqanına köre, seyirci programmada tanış olğan sımalarnı yañı tarzda körecek.
Aştan ğayrı, alıp barıcı qaramanlarğa qırımtatar tilini ögretecek.
«Er bir musafir içün qısqa bir ders olacaq. İç birisi oña ciddiy ya da aksine istizalı ya da ibarelerni ögretecekler, dep ümüt etmey. Amma bu qırımtatar sözleri qaramanımıznıñ faaliyetinen bağlı olacaq, onı tasvirleycek», – dep qayd ete Osman Paşayev.
Musafirler arasında siyasetçi, fikir liderleri, ekspertler ve yıldızlar olacaq: Ahtem Seitablayev, Aleksandr Liyev, Valeriya Lutkovskaya, Yevstratiy Zorâ, İrina Vereşçuk, Vladimir Yemelyan, Tatyana Çornovil, Pavel Klimkin, Olga Duhniç, Nikolay Knâjitskiy ve Aleksandr Ustinov.
