Türkiyeniñ cenüp-şarqındaki zelzelelerniñ neticesinde elâk olğanlarnıñ sayısı artıq sekiz biñge yetti. 30 biñge yaqın adam zarar kördi. Dağıntılar tübünden qurtarıcılar sekiz biñden ziyade adamnı çıqarıp oldı. Qomşu Suriyede bir buçuq biñden ziyade adam öldi, üç biñge yaqın yaralandı. Qıduruv ve qurtaruv işleri devam etmekte. Sarsıntılar sebebinden Türkiyeniñ 10 bölgesinde 5 biñden çoq bina yıqıldı.
7,8 büyükliginde zelzele Türkiyeniñ cenüp şarqında ve qomşu Suriyede fevralniñ 6-na keçken gecesi yüz berdiler. Bundan soñ 40-tan ziyade sarsıntı oldı. Yerli vaqıtnen saat 13:30 7,5 büyükliginde ekinci zelzele yüz berdi.
Zelzeleniñ merkezi Türkiyeniñ cenüp-şarqındaki Kahramanmaraş bölgesiniñ Elbistan şeerinde edi.
Türkiyede zelzeleden eñ çoq zarar körgen bölgelerden biri de Hatay eyaletidir. Mında, şaatlarnıñ sözlerine köre, zelzele bir sıra rayonlarnı bütünley yoq etken. Biñlernen adam dağıntılar astında qalmaqta.
Qırım.Aqiqat 1939 senesi Erzican zelzelesinden soñ Türkiye tarihında eñ büyük felâketniñ aqibetleriniñ fotoresimlerini yayınlay.
