Türkiyede zelzele olğan yerlerde çalışqan qurtarıcılar yıqılğan binalarnıñ altında 8 biñden çoq insannı sağ taptı – bu aqta memleketniñ prezidenti Recep Tayyip Erdoğan fevralniñ 14-nde Birleşken Arap Emirliklerinde Dünya ükümet sammitine yapqan video muracaatında.
Erdoğan, yaralanğan 81 biñden büyük sayıda insan hastahaneden çıqarıldı, dep qoştı. O, Türkiyeniñ zelzele aqibetlerini yoq etüvde alğan halqara yardımğa diqqat ayırdı.
«Milletimiz içün yardım toplağan ve hadimleri qıdıruv-qurtaruv işlerinde qoltutqan bütün memleketlerge minnetdarlıq bildirmege ister edim», – dedi o.
Türkiye ve Suriyede fevralniñ 6-nda olğan zelzelelerden soñ elâk olğanlarnıñ sayısı 37 biñni keçti. Türkiyede, resmiy malümatqa köre, 31 biñden çoq insan can berdi, qomşu Suriyede elâk olğan tahminen altı biñ insan bar.
Başar Asadqa qarşı çıqqanlar tutqan soñki yer olğan Suriyeniñ şimaline birinci gumanitar yardım kolonnası zelzelerden dört künden soñ keldi. Bugünge qadar BM gumanitar yükleri içün tek Türkiye-Suriye sıñırındaki keçiş noqtası açıq edi. BM daa eki noqta açılır, dep ümüt etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
Qırımdaki «Hizb ut-Tahrir davaları»
«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.
