Yılnıñ soñunda İstanbulda Ukrayınada barışıqnen bağlı üçünci halqara körüşüv ötkerilecek. Bu aqta Bloomberg menbalarına esaslanıp yaza.
Agentlikniñ malümatına köre, iştirakçiler Ukrayınada qaviy barışıq ğayelerini muzakere etecek. Körüşüvge çeşit memleketlerniñ milliy telükesizlik mesleatçıları, ABD mesleatçıları kelecek, dep beklenile. Bloomberg menbalarınıñ malümatına köre, sammitte Qıtaynı körmege isteyler, amma Pekin vekilini yollaycaqmı belli degil.
Rusiye körüşüvge davet etilmedi – em Danimarkada, em Saudiy Arabistanda keçirilgenler kibi. Rusiye Tış işler nazirleri soñki körüşüvni «Rusiyege qarşı koalitsiyanı quruv ıntıluvı» dep adlandırdı.
Ukrayına ve ittifaqdaşları Rusiye istilâsına bitaraf olğan memleketlerni Moskvağa qarşı çıqmağa tırışa. Böyle körüşüvler Ukrayınağa – Bloomberg bildirgeni kibi – Braziliya ve İndistanğa fikrini doğrudan bildirmege imkân bere.
İstanbuldaki muzakerelerniñ kün tertibinde – Ukrayına prezidenti Volodımır Zelenskıynıñ on maddelik «barışıq formulası» olaraq belli planı. Bundan ğayrı, Rusiye ordusınıñ halqara seviyede tanılğan Ukrayına sıñırlarından çıqması, esirlerniñ azat etilüvi, memleketniñ özek, sanayı, energetik ve ekologik teminlevi bar.
Muzakere neticesinde Ukrayına yılnıñ soñuna qadar sammit keçirmege ümüt ete, Ukrayına talapları esasında umumiy barışıq ğayesi şekillendirildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
