Türkiyede Ukrayinanıñ simarişi ile qurulğan "Ğetman Vığovskıy" korvet sınfınıñ çoq maqsatlı gemisini suvğa tüşürdiler.
Ukrayina Arbiy deñiz quvetleriniñ matbuat hızmeti bildire ki, avgustnıñ 1-nde İstanbulda İstanbul Shipyard Naval şirketiniñ arbiy terkibinde suvğa tüşürüv merasimi olıp keçti.
Mında Ukrayinanıñ birinci hanımı Olena Zelenska, geminiñ korpusına şampan şişesini urğan Ukrayina mudafaa naziri Rustem Ümerov ve Arbiy deñiz quvetleriniñ komandanı vitse-admiral Oleksiy Neijpapa ve qırımtatar halqınıñ lideri Mustafa Cemilev iştirak ettiler.
"Rusiye istilâsı sebebinden Türkiyede qurulğan "Ğetman İvan Vıgovskıy" ve "Ğetman İvan Mazepa" korvetleri eñ zemaneviy silâlarnen donatıldı ve flotumızğa müim qoşumça olıp, Ukrayinanıñ mudafaa qabiliyetini arttıracaq. Ukrayina endi deñizde Rusiye flotunıñ üstünligini bozıp, onlarnen gemini yoq etti. Qara ve Azaq deñizlerinde Ukrayina Arbiy deñiz quvetleriniñ imkânlarını faal kenişletemiz", — dedi Ümerov.
Ukraнina Türkiye ile Ada sınfındaki eki korvetniñ qurulması aqqında añlaşmanı daa 2021 senesi iyül ayında imzaladı. Kelecekteki "Ğetman İvan Mazepa" temeliniñ qoyulması 2021 senesi sentâbrniñ 7-nde olıp keçti. Korvetni 2022 senesi oktâbr ayında suvğa tüşürdiler.
2023 senesiniñ avgust ayında ekinci korvetiniñ kilini qoydılar "Ğetman İvan Vıgovskıy". 2024 senesi mart ayında korvetni Ukrayina prezidenti Volodımır Zelenskıyge kösterdiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
