Türkiye ve Suriyede zelzele neticesinde elâk olğanlarınıñ sayısı 2300 adam oldı

06 fevral 2023, 21:42

Zelzele aqibetleri, 2023 senesi fevralniñ 6-sı

Fevralniñ 6-nda Türkiye ve qomşu Suriyede zelzele neticesinde elâk olğanlarınıñ sayısı 2300 adam oldı, dep haber ete yerli memurlar ve ekimler.

Türkiye başlıqları eñ az 1500 adam öldi dep bildirdi, aynı zamanda Suriyede 800 adam elâk oldı.

Suriyedeki Milliy zelzele merkeziniñ reberi Rayed Ahmed 7,8 büyükligindeki zelzeleni "merkezniñ tarihında qayd etilgen eñ büyük zelzele" adlandırdı.

Bir sıra memleket, şu cümleden Ukrayina Türkiyege yardım etmek azır olğanını bildirdi.

Türkiye ve Suriyede küçlü zelzele: 1600-den ziyade adam elâk oldı (fotoresimler)

1/14 2023 senesi feralniñ 6-nda yüz bergen zelzeleden sağ qalğanlarnıñ qıdıruvı vaqtında Türkiyeniñ cenüp-şarqındaki Diyarbakır şeeriniñ bir sakini. türkiyeniñ cenüp-şarqındaki Kahramanmaraş eyaletinde 7,4 büyüklikte zelzele yüz berdi. Sarsıntılar qomşu memleketlerde duyuldı. Biñlernen binalar dağıldı

2/14 Türkiyeniñ Adana şeerinde üç qatlı meske bina tamamınen dağıldı. Resimde qurtarıcılar dağıntılar astından sağ qalğan adamlarnı çıqaralar

3/14 Zelzeleşınaslarnıñ qayd etkenine köre, zelzele 1939 Erzincan zelzelesinden bugünge qadar Türkiye tarihınıñ eñ büyük felâketidir. Yerastı sarsıntıları bir qaç Türkiyeniñ bölgesi Adana, Ankara, Antalya, Gaziantep, Kayseri, Mersin, Trabzon, Urfada ve Suriye, Lübnan, İraq, Mısır, Yunanistan, Qıbrız, Gürcistan, Eremenistan ve İsrailde duyuldı. Şimdilik malüm olğanı kibi Türkiyede biñge yaqın adam elâk olğan, Suriyede ise 600

4/14 Suriyeniñ Candaris şeeriniñ soqaqları

5/14 Türkiye prezidenti Recep Tayyip Erdoğan memlekette 912 adam elâk olğanını, 5,4 biñ yaralanğanını bildirdi. Tahminen 2,8 biñ bina dağılğan

6/14 Diyarbakır. Zelzele neticesinde sekiz qatlı bina dağıldı

8/14 7 büyükliginde zelzele saba saat 4:15 Türkiyeniñ Kahramanmaraş eyaletinde yüz berdi

9/14 Suriyede zelzele neticesinde elâk olğanlarnıñ sayısı 467 oldı, daa 1042 adam yaralandı

10/14 Diyarbakır. Saat 13:24 yüz bergen ekinci zelzele neticesinde mında mesken bina dağıldı

12/14 Türkiye Kızılay yolbaşçısı Kerem Kinik Türkiye halqara yardımnı qabul etmege azır olğanını bildirdi. Türkiye prezidenti, şimdiden dünyanıñ 45 memleketi, AB ve NATO Ankarağa yardım teklif etkenini bildirdi

13/14 Candaris şeerinde qurtarıcılar sağ qalğanlarnı qıdıralar

14/14 Suriyeniñ Hama eyaleti. Mınnda sarsıntılar bir qaç bignanıñ dağılmasına sebep oldı

ABD devlet kâtibi Entoni Blinken ABD artıq yardım etip başlağanını bildirdi.

"Zelzeleden zar körgenlerge yardım etmege azırmız", - dedi o.

Suriye ükümeti de dünya toplulığını olarğa yardım etmege çağırdı.

BMT-nıñ hadimleri yardım etmek içün Türkiye ve Suriye ile işbirlik ete, dedi Antoniu Güterriş.

"Dünya toplulığı bu felâketten zarar körgen biñlernen adamlarğa yardım etecegini bekleymiz", - dedi o.

7,8 büyükliginden zelzele Türkiyeniñ cenüp şarqında ve qomşu Suriyede fevralniñ 6-na keçken gecesi yüz berdi.

Zelzeleniñ merkezi Türkiyeniñ Gaziantep şeeriniñ şimalinde, Suriye sıñırına tahminen 90 km uzaqlıqta edi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Link açıqlığı

Qoşulıñız!

Türkiye ve Suriyede zelzele neticesinde elâk olğanlarınıñ sayısı 2300 adam oldı

Türkiye ve Suriyede küçlü zelzele: 1600-den ziyade adam elâk oldı (fotoresimler)