Ukrayina TİN Türkiyeniñ cenüp şarqında ve qomşu Suriyede yüz bergen şiddetli zelzele neticesinde ölgen ve yaralanğanlar arısında ukrayinler olıp olmağanını teşkerilgenini bildirdi.
Sarsıntılar neticesinde eñ az 234 adam elâk oldı, yüzlernen yaralandı.
"Ukrayinanıñ Türkiyedeki Elçiligi Türkiye yolbaşçıları ile işbirlik etip qurbanlar arasında Ukrayina vatandaşlarınıñ olıp olmağanını teşkere. Türkiyedeki ukrayinlerge yardımcı olmaq içün Elçilik esasında +90 539 550 98 98 ve +90 312 442 15 93 eki "acele hat" açıldı. Ukrayinadaki soy-soplar TİN-niñ +380 44 238 15 88 "acele hattına" muracaat ete bileler", - dep yazdı Oleg Nikolenko.
Prezident Volodımır Zelenstkıy Twitterde Ukrayina Türkiye halqına kerekli yardım köstermege azır olğanını bildirdi.
7,8 büyükliginden zelzele Türkiyeniñ cenüp şarqında ve qomşu Suriyede fevralniñ 6-na keçken gecesi yüz berdi.
Zelzeleniñ merkezi Türkiyeniñ Gaziantep şeeriniñ şimalinde, Suriye sıñırına tahminen 90 km uzaqlıqta edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
