Link açıqlığı

Saatnıñ esas haberi

Türkiye Rusiyeniñ işğal etilgen Ukrayına topraqlarını ilhaq etüv ıntıluvlarını takbih etti


Türkiye Tış işler naziri Mevlüt Çavuşoğlu (soldan) ve Ukrayına Tış işler naziri Dmıtro Kuleba, arhiv fotoresimi
Türkiye Tış işler naziri Mevlüt Çavuşoğlu (soldan) ve Ukrayına Tış işler naziri Dmıtro Kuleba, arhiv fotoresimi

Türkiye Rusiyeniñ daa dört Ukrayına regionını qanunsız ilhaq etmek ıntıluvlarına qarşı halqara tenqitke qoşuldı. Bu aqta Türkiye Tış işler nazirligi oktâbrniñ 1-nde bildirdi.

Ankara Moskvanıñ adımlarını halqara uquqnıñ «ciddiy bozuluvı» dep adlandırıp, Türkiye 2014 senesi Rusiyeniñ Qırımı qanunsız zapt etilüvini de qabul etmege razı olmadı, dep qayd etti.

«Kerginligi artqan bu cenkniñ bitmesini isteymiz, muzakereler neticesinde olacaq adaletli barışıq esasında», – dep bildirdi Türkiye Tış işler nazirligi.

Sentâbrniñ 30-nda Rusiye prezidenti Vladimir Putin Rusiye ordusı zapt etken Donetsk, Herson, Lugansk ve Zaporijjâ vilâyetleri Rusiyege qoşulacaq, dep ilân etti.

ABD, Büyük Britaniya ve Kanada Rusiyege qarşı yañı sanktsiyalar kirsetti.

Ukrayına prezidenti Volodımır Zelenskıy tezleştirilgen protsedurağa köre NATOğa kirüv arizasını bere, dep ilân etti. NATO, Şimaliy atlantik ittifaqnıñ 30 azası razılıq bermeli, dep cevap berdi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG