Avgustnıñ başından Türkiye İç işler nazirliginiñ köç hızmeti qırımtatarlağa uzun müddetli ikâmet ruhsetnamesini berip başlağan. Bunı Anadolu agentligi haber ete.
Qayd etilgeni kibi, böylece qırımtatarlarğa "türk tamırları ile semetdeşler" statusı berile.
Evel bu status ahıska türkleri, uyğurlar, Bulğaristan ve Yunanistandan qavmiy türklerge berile edi.
Haber etilgenine köre, qırımtatarlardan mevcut qanunlarda köz ögünde tutulğan kibi sekiz yıl devamında memlekette qalması talap etilmeycek.
"Bu aqqından faydalanmaq istegenler kerkli vesiqalarnı toplap bölgedeki köç hızmetlerge muracaat ete bileler", - dep haber ete agentlik.
Resmiy malümatqa köre, Türkiyede yaşağan yabancılarnıñ tek 5 faiziniñ uzun müddetlei ikâmet ruhsetnamisi bar eken.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
