Türkiye prezidentiniñ ömür arqadaşı Emine Erdoğan Kyivde "Qırım ailesi" qırımtatar medeniyet ve tasil merkezini ziyaret etti. Bunıñ aqqında öz Facebook saifesinde Qırımtatar Milliy Meclis azası Gayana Yüksel haber etti.
"Prezidentniñ ömür arqadaşına, qırımtatarlarnınh milliy kimliginiñ saqlap qalması içün çalışqan teşkilâtnıñ faaliyeti, şu cümleden TIKA ve YTB Türkiye devlet teşkilâtlarınıñ destegi ve yardımı ile ömürge keçirilgen leyhalar ve türlü tedbirler aqqında aytıp berdik", - dep yazdı o.
Fevralnıñ 3-nde Türkiye devlet başı Ukrainağa resmiy ziyaretnen keldi.
Türkiye prezidenti Recep Tayyip Erdoğan Kyivde brifing vaqtında Ukraina topraq bütünligini ve suverenitetini, şu cümleden işğal etilgen Qırımnı da, desteklegenini tekrarladı.
Ukraina Mudafaa naziri Oleysiy Reznikov, fevralniñ 3-nde Türkiyeden delegatsiyanıñ Ukrainağa ziyareti çerçivesinde memleketler arasında, hususan da Ukrainada Bayrktar pilotsız uçaqlarınıñ istisalı içün zavodnıñ quruluvını közde tutqan çerçive añlaşması imzalanacağını bildirdi.
