Aq deñizniñ şarqiy qısmında İrandan uçurılğan ve Türkiyege doğru kelgen ballistik raketa qayd etildi. Türkiye Cumhuriyeti Mudafaa nazirligi haber etkenine köre, raketa NATOnıñ ava mudafaası ve raketa mudafaası sistemaları tarafından yoq etildi, dep haber ete Azatlıq Radiosı.
Müessise malümatına köre, raketa Iraq ve Suriyeden keçti. Parçaları Türkiyeniñ cenübinde Hataydaki Dörtyolda tüşti. Yaralanğanlar olmadı.
"Bütün tarafları zıddiyetniñ regionğa tarqalmasına yol aça bilgen areketlerden uzaq olmağa çağıramız", – dep bildirdi Türkiye mudafaa müessisesi.
Mudafaa nazirligi Türkiye regional istiqrarğa qoltuta, amma "telüke qaydan kelse kelsin, topraqları ve vatandaşlarınıñ telükesizligini temin ete bile", dep qoştı. "Memleketimizge qarşı er angi duşman munasebetine cevap berüv aqqımız bar", – dep bildirdi nazirlik.
Fevralniñ 228-nde ABD ve İsrail İran ve özek programmasına qarşı arbiy operatsiya başlattılar. Buña cevap olaraq İran İsrail ve Yaqın Şarqtaki Amerika arbiy bazalarına darbe endirip başladı.