Türkiye prezidenti Recep Tayyip Erdoğan on ğarbiy devletniñ elçilerini memleketten sürgün etmek niyetinden vazgeçti. Bu aqta Türkiye lideri Ankaradaki matbuat konferentsiyasında bildirip, elçiler «keri adım attı» ve «ileride daa diqqatlı olacaq», dep qayd etti. Bu aqta Azatlıq Radiosı haber ete.
O künü Kanada, Frenkistan, Finlândiya, Danimarka, Almaniya, Felemenk, Yañı Zelandiya, Norvegiya, İsveçiya ve ABD elçihaneleriniñ Twitterde aydınlatqa beyanatında Viyana diplomatik munasebetler şartnamesine köre Türkiyeniñ iç işlerine qarışmaycaq, dep bildirdi.
Oktâbrniñ 23-nde Erdoğan Tış işler nazirine on ğarbiy devletniñ elçilerini sürgün etmege emir berdi, çünki olar devlet devriminden şübheli sayılğan Türkiye aq qorçalayıcısı ve hayırsever Osman Kavalanı azat etmege çağırdı.
Türkiye – NATO azası ve Avropa Birligine kirüv namzeti. Buña baqmadan, Erdoğan diplomatlarnıñ onıñ toprağında Ankarağa aqıl ögretmege aqqı yoq, dep bildirdi.
