ABD Türkiyege Rusiyeden satın alğan S-400 ava mudafaası sistemalarını Ukrayinağa bermege teklif etken. Amma Türkiye ükümeti bundan red etken. Bunı Türkiye TİN yolbaşçısı Mevlüt Çavuşoğlu bildirdi.
Türkiye S-400 satın alğanı içün F-35 qırıcı uçaqlarnıñ azırlanması ve menimsenilmesi programmasından çıqarılğan. Vaşington Ankarağa ava mudafaası sistemalarını ya da ABD-niñ nezaretine bermesini, ya da başqa memleketke, misal olaraq, Ukrayinağa bermesini teklif etken edi.
Çavuşoğlu qayd etti ki, Türkiye bu kibi tekliflerden red etti, çünki onıñ sözlerine köre, bu teklifler "suverenitetni aqsımlavdır".
Aynı zamanda Türkiye ABD-ne F-16 uçaqlarınıñ ve yedek parçalarınıñ alınması ile bağlı talap yollağan. Añlaşma 40 yañı uçaqnıñ alımasını ve 79 eski uçaqnıñ yañartıluvını köz ögünde tuta.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
