Link açıqlığı

Ukraina Yuqarı Şurası yarın ilk olaraq separatizm ve devletke nisbeten etilgen diger cinayetler içün cinaiy mesülietlikboyunca qanunnı baqıp çıqacaq.

Bunı «Rada» telekanalı köstergen beyanatta parlament spikeri, Ukraina prezidenti vazifelerni eda etken ОleksandrTurçinov bildirdi.

«Ukrain qanunlarına köre, separatizm areketlerini amelge keçirgen ve istilâcı memleketiniñ tarafdarı olıp, öz halqınaqarşı çıqqan siyasiy ve cemaat teşkilâtlarınıñ faaliyetini yasaq etmek içün qararlar baqılacaq», – dedi Turçinov.

Bundan da ğayrı, prezident vazifelerni eda etken Оleksandr Turçinovnıñ aytqanına köre, bazı bir yerli uquq qorçalayıcıorganlarınıñ passiv areketleri sebebinden, olarnıñ terkibine diger regionlarınıñ bölüklerinden insanlar kirsetilecektir.

Turçinov qayd etti ki, işbu strukturalarnıñ faaliyetini bir tertipke ketimrek içün Harkovğa içki işler naziri Arsen Avakov, Donetskke – birinci baş nazir muavini Vitaliy Yarema, Luganskqa – Milliy mudaafa ve havfsızlıq şurasınıñ kâtibi Andriy Parubiy ve Ukraina havfsızılq hızmetiniñ reisi Valentin Nalivayçenko yol alğanlar.

«Tünevin Rusiyeniñ Ukrainağa qarşı ekinci mahsus operatsiyası başlandı. Onıñ maqsadı – devletteki vaziyetini kerginleştirmek, ukrain ükümetini devirmek, saylavlarğa keder etmek ve memleketimizni qısımlarğa bölmektir… Ukraina duşmanları Qırım stsenariyni amelge keçirmege tırışalar. Biz buña yol bermemiz. Gece antibuhraniy ştab peyda oldı, ellerine silâ alğanlarğa qarşı ise antiterroristik qararlar alınacaq», – qayd etti spiker.
XS
SM
MD
LG