Link açıqlığı

Turçinov Ukraina prezidenti Qırımdaki temsilciliginiñ yañı strukturasını tasdıqladı


Ukraina Prezidenti vazifelerini eda etken Oleksandr Turçinov Ukraina prezidenti Qırımdaki temsilciliginiñ yañı strukturasını tasdıqladı.

Böyle bir ferman devlet yolbaşçısınıñ saytında derc olundı. Vesiqağa binaen, prezidentniñ daimiy temsilcisiniñ üç muavini olacaq, şu cümleden birinci muavini de olmalı (bundan evel prezidentniñ Qırımdaki daimiy temsilcisiniñ dört muavini bar edi).
Bundan ğayrı, prezidentniñ daimiy temsilcisine eki afta devamında temsilcilik cedveli, struktura bölükleri ve hadimler vazifelerini belgilemege avale etildi.

Hatırlatamız, mayıs 16-da Turçinok daimiy temsilcilikni Hersonğa avuştırmağa emir etti. Mayıs 22-de ise prezidentniñ Qırımdaki temsilcisi olaraq Natalya Popoviç tayinlendi, dep bildire Tsentr jurnalistskih rassledovaniy.
XS
SM
MD
LG