Turçinov Qırımdaki Ukraina havfsızlıq hızmetiniñ başını vazifeden boşattı

Yuqarı Şuranıñ reisi, Ukraina prezidenti vazifelerni eda etken Оleksandr Turçinovnıñ emirleri ile Qırımda bir sıra memurlar vazifelerinden boşatıldı.

Mütenasip qararlar ukrain devletniñ başı saytında peyda oldı.

Şu cümlede Qırım Muhtar Cumhuriyetinde Ukraina havfsızlıq hızmetiniñ başı Оleg Absalâmov işten çıqarıldı.

Daa bir emri ile Turçinov QMC Ukraina prezidentiniñ daimiy temsilcisi muavini İbraim Mamutovnı da vazifeden boşattı.