Ukraina Milliy Havfsızlığı Hızmetiniñ sabıq kâtibi Oleksandr Turçınov, zapt etilgen topraqlarnı işğalden qurtarmaq içün, "añlayışlı bir areket algoritmi kerek", dep ayta. Bunı o, Radio Svobodağa tefsir bergende ayttı.
"Yazıq ki, amma bu eki meseleni (Qırımnıñ ve Donbassnıñ işğalden boşatılması - QA) bir kereden çezmek qıyın. Onıñ içün zapt etilgen topraqlarnı işğalden qurtarmaq içün añlayışlı bir areket algoritmi olmaq kerek. Donbasstan başlamaq, soñ ise, Ukrainanıñ şarqından rusiye ordularını çıqarğan soñ, Qırımnıñ işğalden boşatmasına keçmek", - dep saya Turçınov.
Bundan evel Ukraina prezidenti Volodımır Zelenskıy, halqara ortaqlarnıñ yarımı olmağance, yarımadanı boşatmaq imkânı yoq, dep aytqan edi.
Kremlde, Qırım aitligi meselesi iç bir alda muzakere etilmeycek, dep israr ete.
