Ukrayin arbiyleri Rusiyege qullanlğan 41 ücüm dronnı urıp tüşürdi, dep bildire Ukrayina Arbiy-ava quvetleri. Beyanatqa köre, olarnıñ bir qısmı Qırımdan uçurılğan.
Saat 9:-da Ukrayina şimalinde, cenübinde ve şarqında pilotsız uçaqlarnıñ yoq etilgeni tasdıqlandı. Daa 20 Rusiye uçucısız uçaq-imitatorları yoq etildi (menfiy aqibetlersiz).
Ukrayina Arbiy-deñiz quvetleriniñ ava quvetleriniñ malümatına köre, çeçek ayınıñ 2-ne keçken gecesi duşman, Millerovo, Primorsk-Ahtarsk — RF, Çauda — Qırım yönelişlerinden 74 "Şahed" tipindeki ücüm pitotsız uçağını ve farqlı çeşit pilotsız uçaqlarnı qullandı.
Rusiye ücüminiñ neticesinde Harkiv, Donetsk ve Odesa zarar kördi.
Keçken gece RF dronları ücüm etmedi, amma raketa ücümi oldı.
Rusiye arbiyleri Ukrayina regionlarına çeşit silâlarnen muntazam sürette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
