Link açıqlığı

Saatnıñ esas haberi

Trump ve Erdoğan C-400 kompleksleriniñ Türkiyege teslimatını muzakere ettiler


Trump ve Erdoğannıñ körüşüvi, 2018 senesi iyül ayı
Trump ve Erdoğannıñ körüşüvi, 2018 senesi iyül ayı

ABD ve Türkiye prezidentleri Donald Trump ve Recep Tayyip Erdoğan bazarertesi künü, aprelniñ 29-nda, C-400 Rusiye uçaqquvar-raketa kompleksleriniñ Türkiyege teslim etilüvini telefonda laf ettiler. Bunı resmiy haberlerde em Ankara, em Washington tasdıqladılar, dep bildire Azatlıq Radiosınıñ rus bürosı.

Türkiye tarafınıñ haberinde Erdoğan Trumpqa C-400 teslimatı ile bağlı meselelerni muzakere etecek ortaq işçi gruppanı meydanğa ketirmege teklif etti, dep aytıla. Beyaz Saray bunı qayd etmey.

Türkiyeniñ Rusiyeden C-400 komplekslerini satın almaq planları ABD tarafından tenqit etilmekte. Mında Rusiye silâsınıñ Türkiyede yerleştirilmesi NATO standartlarına zıt kele, dep qayd eteler.

Erdoğan Türkiye öz qararından vazgeçmeycek, dep bildirgen edi. Yaqında bunı Moskvada Rusiye prezidenti Vladimir Putin ile körüşip de tasdıqladı.

Birinci kompleksler iyül ayında teslim etilecek, dep haber etile. ABD ve Türkiye arasında añlaşmamazlıq çıqarğan diger meseleler arasında Amerikanıñ İranğa qarşı sanktsiyaları, Suriyedeki vaziyet – anda Erdoğan Birleşken Devletlerniñ «İslâm devleti» terror teşkilâtı ile küreşte ittifaqdaşı olğan kürtlerge qarşı silâlı tedbirler keçirecegini ayta.

XS
SM
MD
LG