ABD prezidenti Donald Trumpnıñ Yaqın Şarq elçisi Steven Witkoff Rusiye prezidenti Vladimir Putinnen körüşmek içün Moskvanı ziyaret etmege planlaştıra, dep haber ete Bloomberg bu meseleden haberdar olğan insanlarnıñ malümatına esaslanıp.
Medianıñ subetdeşi aytqanına köre, Witkoff bu afta Trumpnıñ elçisi olaraq Rusiyege ekinci kere barmağa planlaştıra. Onıñ ziyareti Ukrayina ve ABDniñ Saudiy Arabistandaki körüşüvine bağışlanacaq.
Witkoff bildirgenine köre, Saudiy Arabistandaki muzakereler barışıq añlaşmasınıñ ve ateş toqtatıluvınıñ çerçivelerini belgilemeli.
Martnıñ 11-nde Saudiy Arabistanda Ukrayina ve Amerika eyyetleri arasında muzakereler olacaq.
Ukrayinanı muzakerelerde Andriy Yermak, prezident ofisiniñ yolbaşçısı, Tış işler naziri Andriy Sıbiğa, Mudafaa naziri Rustem Umerov ve Prezident ofisiniñ yolbaşçı muavini Pavel Palisa temsil etecekler.
ABD tarafından körüşüvge Beyaz saraynıñ milliy telükesizlik mesleatçısı Michael Waltz, ABD devlet kâtibi Marco Rubio kelecekler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
