AQŞ prezidenti Donald Trump tünevin, "Şimaliy aqım-2" gaz hattınıñ qurulmasında iştirak etken şirketlerge qarşı sanktsiyalar aqqında qanun leyhasını imzaladı.
Esas tış icracısı boru töşemesini toqtatqanını bildirdi, dep haber ete Azatlıq Radiosı.
Sanktsiyalar, “Şimaliy aqım – 2” ve "Türkiye aqımı" gaz hattısınıñ quruluvına alâqası olğan şirketler ve etel vatandaşlarına qarşı Amerika vizalarından marum etlecegini közde tuta. Olar Amerika Qoşma Ştatlarınıñ mudafaa büceti aqqında qanunınıñ bir qısmı ola. Amerika vekilleri, Rusiye tabiiy gazı Almaniyağa temin etilmek kerek olğan qaz borusına bir qaç kere Avropanıñ energetik havfsızlığına telüke, dep ayta edi. Qanun leyhasında o "mecbur etüv aleti" dep adlandırılğan.
Almaniya Amerika sanktsiyalarını tenqit ete.
Dekabr 17-sinde AQŞ Kongressiniñ vekiller palatası, “Şimaliy aqım – 2” ve "Türkiye aqımı" gaz hattısınıñ quruluvına alâqası olğan şirketlerge qarşı sanktsiyalar qoyuluvı aqqında vesiqanı qabul etti.
Sanktsiyalar deñiz seviyesinden 100 fut aşağı taba terenlikte borularnı toşegen gemilerge ve bu leyhanıñ quruluvına añlı tarzda gemilerni satqan ya da kiralıq bergen çetel adamlarğa qoyula.
Qarar daa Senat tarafından qabul etilmek kerek. Bunıñ kelecek atfanıñ başında olacağı beklenile.
«Şimaliy aqım-2» (Nord Stream-2) leyhası gaznı Rusiyeniñ şimalindeki yataqlardan, Ukraina ve Poloniyadan keçken ananeviy tranzit marşrutlarını çette qaldırıp, Baltıq deñizniñ tübünden doğrudan Almaniyağa alıp barıp teslim etecek. Leyha, artıq qurulğan birinci «Şimaliy aqım»nıñ imkânlarını kenişletecek.
Avropa komissiyasında, «Şimaliy aqım-2»niñ qurulması taqdirde şeffaflıq, diskriminatsiyanıñ olmaması ve musaviy irişüv printsipleri bozulacaq, dep bildirdiler.
