Kanada Baş naziri Castin Trüdo memleketi Ukrayinanıñ sulh formulasını ve Ukrayina sıñırlarınıñ eski alına ketirerek cenkniñ toqtatılmasını desteklegenini bildirdi.
Trüdo Kanadadaki yerli Ukrayina toplulığınıñ Ukrayinağa destek rolüni hatırladı ve memleket cenk sebebinden öz memleketini terk etmek mecbur olğan 175 biñ ukrayinalını qabul etkenini de qayd etti.
"Bular, Buça ve Harkivden kelgen, Kanadada telükesizlik tapqan ukrayinalı alimler gruppası. Olarnıñ temiz iqtisadiyat saasında tecribesi dünyanıñ Putin kibi despotlar tarafından qabul etilgen özüne alınğan yerastı yaqıtta tabililikten qurtulmağa yardım ete", - dep ayttı o.
Trüdonıñ sözlerine köre, işğal devamında Kanada Ukrayinağa 9 milliard dollarlıq arbiy, maliyeviy ve gumanitar yardım köstergen. O memleket tarafından daa uzun müddetli, çoq yıllıq mecburiyetler ilân etti.
"Oña köre üç yıl devamında 50 zırhlı araba, şu cümleden tahliye acele yardım arabalarını satıp almaq içün 650 million Kanada dolları ayırılacaq", - dep bildirdi Trüdo.
Bundan ğayrı Kanada ukrayinalı uçucılar ve hadimler içün F-16 instruktorlarını yollaycaq ve Ukrayinanı desteklemekni devam etmek içün ortaqlarnınen çalışmağa devam etecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
