ABD-niñ kelecek prezidenti Donald Trampnıñ Ukrayina ve Rusiye meselelerinden mahsus temsilcisi vazifesi namzetine tayin etilgen Kit Kellog, saylanğan prezident "Putin ya da ruslarğa bir şey bermege tırışmay, o kerçekten de Ukrayinanıñ suverenitetini qurtarmağa tırışa", dep iddia ete.
"Ve o bunıñ adaletli ve doğru olmasını kefil etecek", — dep bildirdi Kellog Fox News telekanalına yanvarniñ 8-nde bergen intervyüsında.
O şunı da qayd etti ki, "şahsiy ve ihtisasiy seviyede" özüniñ maqsadı, prezident Tramp inauguratsiyasından soñ 100 kün devamında Ukrayina ve Rusiye arasında cenkniñ çezilüvini tapmağa tırışmaq.
Yanvarniñ 7-nde Donald Tramp matbuat konferentsiyasını keçirip, Ukrayinadaki cenk, NATO-nıñ rolü ve Rusiye ile munasebetlerni muzakere etti. Tramp, Rusiyeniñ NATO keñleşüvi ile bağlı duyğularını Ukrayina kontekstinde añlağanını ayttı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
