Avgustnıñ 1-nde Tokiodaki Olimpiada Oyunlarınıñ yarım finalında yunan-roma küreşinde (60 kiloğa qadar) iştirak etken qırımtatar asıllı ukrainalı sportçı Lenur Temirov yapon küreşçi Kenyitiro Fumitağa 1:5 esabınen yutturdı.
Küreş neticeleri Halqara olimpik komitetiniñ saytında derc etildi.
Ukrainalı sportçı avgustnıñ 2-nde olacaq uruşta tunç medal içün küreşecek. Raqibi şimdilik belli degil. Temirov olimpik yarışta eki ğalebe qazandı.
Tokiodaki Olimpiada oyunları avgustnıñ 8-ne qadar devam etecek.
2020 senesi Lenur Temirov Romada keçirilgen Avropa yunan-roma küreşi çempionatınıñ tunç ğalibi oldı.
