Noyabrniñ 23-nde işğal etilgen Qırımda keçirilgen tintüvlerden soñ yaqalanğan Yusuf Aşirov, Vilen Useinov ve Zinur Appazov Aluştadaki Rusiye polis bölüginde bulunalar. "Qırım birdemligi"niñ malümatına köre, olar sıñırlama tedbiri tayin etilecek mahkeme oturışı bekleyler.
Mahkeme oturışları üyleden soñ keçirilmek kerekler. Yaqalanğan erkeklerni advokat Edem Semedlâyev mudafaa etecek. Al-azırda yaqalanğanlar nede qabaatlanğanı belli degil.
Noyabrniñ 23-nde Rusiye quvetçileri Qırımda tintüv keçirgen soñ "Aluşta" musulman din cemiyetiniñ azalarını yaqaladı. Söz imam Yusuf Aşirov ve cemiyetniñ eki azası Vilen Useinov ve Zinur Appazov aqqındadır. Olarnıñ episi Şuma köyünde yaşay.
"Qırım birdemligi"niñ qayd etkeni kibi, din cemiyeti basqılarğa oğratılğanı artıq ilk sefer degil. 2020 senesi imam Aşirov "qanunsız missionerlik faaliyeti" içün 5 biñ ruble para cezasına mahküm etilgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
