Advokat şimdi Aqmescitteki 1-nci nomeralı "Jeleznodorojnıy" polis idaresiniñ binasında idariy olaraq yaqalanğan kişiler içün mahsus kamerada tutula.
Adliyeciler yaqalav ve tintüv vaqtında yüz bergen bozuvlarnı muzakere ettiler. Olar bu bozuvlarnı temyiz etecek ola. Misal olaraq, Ekstremizm ile küreş merkeziniñ hadimleriniñ advokat ile operativ-qıdıruv tedbirler keçirmek içün izni yoq edi.
"Olar onı bir qaç müim cinayet davasından uzaqlaştırdılar. Birinde o munaqaşalarda iştirak etmek, digerlerinde delillerni taqdim etmek kerek edi. İşine zarar ketirdiler, bazı davalarınıñ materialları tutıp alındı. Bu ve diger bozuvlarnı temiyiz etecekmiz", - dep izaat berdi Kurbedinov.
Advokat oktâbrniñ 13-nde yaqalandı. O "Rusiye ordusını itibardan tüşürüv" ve "ekstremist timsallerni darqatuv" ile qaaatlana. Aleksey Ladinge 14 künlük tevqif ve 45 biñ ruble para cezası tayin etildi. Özü Ladin qabaatını tanımay, onıñ mudafaası ise Rusiye mahkemesiniñ qararlarını artıq şikâyet etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
