Link açıqlığı

Saatnıñ esas haberi

25 tintüv – 20 kişi tutuldı. FSB qırımtatarlarğa qarşı (video)


25 tintüv – 20 kişi tutuldı. FSB qırımtatarlarğa qarşı (video)
Bekleñiz, lütfen
Embed

No media source currently available

0:00 0:05:43 0:00

Martnıñ 27-nde saba Rusiye uquq qoruyıcıları qırımtatarlarnıñ evlerinde tintüv keçirdi. Rusiye İç işler nazirligi, FSB ve Rusiye gvardiyasınıñ hadimleri «Qırım birdemliginiñ» faalleri, cemaat faalleri, vatandaş jurnalistleri ve blogerler yaşağan 25 evni tintti. Bazılarınıñ Rusiyede yasaqlanğan islâm edebiyatı çekip alındı. «Qırım birdemligi» bildirgenine köre, onı gizliden qoyğanlar: «Bütün kitaplar gizliden qoyuldı, çünki evde bir de bir edebiyat yoq edi», – dep aytıla birleşmeniñ Facebook haberinde. Rusiye uquq qoruyıcılarınıñ bildirgenine köre, tahqiqat tedbirleri Rusiyede yasaqlanğan «Hizb ut-Tahrir» diniy teşkilâtında iştirak etkeninden şübheli sayılğan Qırımnıñ bir qaç sakinine qarşı açılğan davalar çerçivesinde keçirile. Rusiye kontrolindeki Qırım yolbaşçısı Sergey Aksenov uquq qoruyıcılarnıñ areketlerine qoltutqanını bildirip, bu aqta Facebookta yazdı: «Tahqiqat tedbirleri qanunğa köre, açılğan cinaiy işler çerçivesinde keçirile. Yarımadada olğan repressiyalar aqqında sözler – yalan ve boş laf, davağa siyasiy renk qoşmaq ıntıluvıdır». FSBniñ soñki malümatına köre, Qırımda Rusiyede yasaqlanğan «Hizb ut-Tahrir» diniy teşkilâtında iştirak etkeninden şübheli sayılğan 20 insan tutuldı. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti. Esas Ukrainada teşkilâtnıñ faaliyeti yasaq etilmedi. (Video: Qırım Birdemligi)

XS
SM
MD
LG