Noyabr 18-inde Tifliste (Tbilisi) quvetçiler tarafından mitingniñ dağıtmasına baqmadan, narazılıq aktsiyası devam ete. Azatlıq Radiosı haber etkeni kibi, İçki İşler Nazirliginiñ hususiy qısmı, Gürcistan parlamentiniñ binasıni boşatıp oldı.
Parlament binasını boşatmaq içün berilgen 30 daqqadan soñ, İİN-niñ bir qaç qısmı, muhalefet vekilleriniñ etraftaki soqaqlardan dağıtmasını başladı. Bildirile ki, quvetçiler, evelce parlament binasını sarıp alğan ve kirişlerni qapatqa piketçilerni qalqanlarnen itey edi.
Liderlerniñ ricasınen, demonstratsiya iştirakçileri, spetsnazğa qarşılıq köstermedi. Yavaş-yavaş quvetçiler bütün soqaqlarnı boşattı, parlament kirişlerini açtı ve Rustaveli adına baş caddeni çadır şeerinden azat etti.
Daa evel bildirile edi ki, Gürcistan polisi, narazılıq aktsiyasınıñ iştirakçilerini suvatqıçnıñ yardımınen dağıta edi.
Narazılıq bildirgenler mütenasip saylav sisteması boyunca nevbetten tış parlament saylavlar ötkerüvini, ükümet istifa etüvini ve ameldeki Merkeziy saylav komissiya erkânı deñiştirüvni talap ete.
"Gürcistan arzusı" üküm partiyası, evelce vesiqağa qol tutar, dep vade etken edi, amma soñ rey berüvde deñişmelerni qabul etip olamadılar.
Tifliste muhalefet ve cemaatçılar narazılıq aktsiyasını başladı. Biñlerce Gürcistan sakinleri mitingge çıqtı. Olar, ükümet istifasını ve müddetten evel saylavlarnıñ keçirilmesini talap ete edi.
