“İntiqamcılar: Soñu” ("The Avengers: The Final" / “Mstitetil: Final”) - Marvel dünyasınıñ “intiqamcılar-superqaramanlar” taqımı aqqında zemaneviy film sırasınıñ dörtünci, soñki filmi, birinci raatlıq kününde ücret rekordını yaptı.
Walt Disney şirketiniñ hadimine esaslanıp, Bloomberg haber agentligi bildirgeni kibi, “İntiqamcılar: Soñu” birinci raatlıq kününde 1 milliard 200 million dollar aldı. Bu, sabıq rekordsmen olğan Marvelniñ “İntiqamcılar: Soñsuzlıq cenki” (“Mstiteli: Voyna beskoneçnosti”) filminiñ qazançına köre, aman-aman eki kere çoqçadır.
AQŞ ve Kanadada “İntiqamcılar: Soñu” birinci raatlıq künlerinde 350 million dollar topladı, bu da rekorddır.
Entertainment Weekly bildirgeni kibi, aprelniñ 24-26-sı ilk premyer künleri “İntiqamcılar: Soñu” müelliflerine rekordlı 305 million dollar ketirdi. Qıtayda eki kün devamında 154,5 million dollar qazanıldı.
