Tuvğanları Rusiye Federal Telükesizlik Hızmetiniñ ğayet müim davalar üzre üyken tahqiqatçısı Vitaliy Vlasovdan cevap alğanlar. Mektüpte Ruslan Asanovnıñ apayına "ziyaret izni muracaatı baqılğanı ve red qararı berilgeni" bildirilgen.
Haber etilgeni kibi, Qırımnıñ Bağçasaray şeerinde keçirilgen tintüvlerden soñ ekrek eki ayğa tevqif etilgen. Aqmecit SİZO-sına ise o irinli flüs ile ketirilgen. Zera Mustafayeva oña izolâtorğa ilâc bermege istey edi.
"Men antibiotikler, ağrısızlandırıcı ilâc ketirdem. Olar ise tek "Nimesil" aldılar. Tibbiyet hadimi olarnıñ aphanesinde er şey bar dep ayttı", - dep ayta Zera Mustafayeva.
Avgustnıñ 24-nde Bağçasarayda ve Bağçasaray rayonında Rusiye uquq qoruyıcıları qırımtatarlar Ruslan Asanov, Seydamet Mustafayev, Remzi Nemetulayev, Abdulmecit Seytumerov, Amethan Umerov ve Eldar Yakubovnıñ evlerinden tintüv keçirdi. Bundan soñ olarnı Aqmescitteki FSB binasına alıp ketkenler. Avgustnıñ 25-nde Rusiye mahkemesi olarnı eki ayğa SİZOğa yolladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
