Rusiye Ukrayina territoriyasına "eñ büyük" ücümini kerçekleştirdi, dep bildirdi memleket prezidenti Volodımır Zelenskıy yañı video muracaatında.
''Al-azırda Ukrayinanıñ farqlı şeerlerinde qurtaruv ameliyatı devam ete. Rusiye raketaları urğan, parçalar tüşken yerlerde. Bu sersemlerniñ eñ büyük ücümi - aman-aman 160 raketa ve dron. Arbiylerimiz olarnıñ çoqusın urıp tüşürdiler'', - dep aytıla beyanatta.
Devlet başınıñ sözlerine köre, "nişanlar" artıq Rusiye içün adep olıp qalğan - 100-den çoq ev yıqılğanâ da zarar körgen, 45 çoq qatlı ev, mektep, eki kilse, hastahaneler.
Zelenskıy qayd etti ki, bir çoq lider Ukraina ve ukrainlerge qol tutqanını bildirdi, er keske, hususan devletimizge avadan mudafaa saasında yardım etkenlerge minnetdar.
''Ava mudafaası arbiyleri bugün çoq şey yaptı. Rusiye terrorcıları mahsus olaraq qoruvımıznı bozmağa tırışqanını köz ögüne alıp. Ve bizler ava mudafaasımıznı quvetleştirmege devam etecekmiz ve cenkni bu sersemlerge, Rusiyeniñ topraqlarına qaytarmaq içün çalışacaqmız", - dep qoştı o.
Rusiye gece ve saba Ukrayinağa dron ve raketalar ile kene ücüm etti. Patlavlar aqqında Lviv, Kıyiv, Harkiv, Dnipro ve Çerkası, Sumı, Odesa vilâyetlerinde haber etilgen edi. Bazı şeerlerge saba bir qaç kere ücüm etildi.
Dekabrniñ 29-nda aqşamğa yaqın ücüm neticesinde 30 elâk olğan ve 160-tan ziyade yaralanğan kişi aqqında belli edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
