Qırımtatar resurs merkezi "Adını qaytarsaq Qırımnı qaytarırmız" leyhası çerçivesinde 211-nci Kıyiv mahsus mektebiniñ talebelerine Qırım meskün yerleriniñ tarihiy adları ile oyunnı berdi.
"Bu oyunnı Ukrayinanıñ çeşit şeerlerinde tasil ve medeniyet müessiselerine berdik. Şu cümleden, oyun daa Kıyivdeki 211 sanlı mahsus mektepke berildi. Bizim mahsulatımıznıñ meraqlı ve interaktiv tasilniñ bir qısmı olğanından pek memnünmiz. Bu yardım yaratıcı malzemelerniñ yardımı ile biz daa çoq balanı Qırımnıñ kerçek tarihı ile tanış etecekmiz, Qırım — Ukrayinadır!", — dep aytıla haberde.
Ukrayina Prezidentiniñ Qırım Muhtar Cumhuriyetindeki temsilcisi Tamila Taşeva, ükümet Qırım işğalden azat etilmezden evel onıñ toponimik adlarını deñiştirmege imkân berecek qarar üzerinde çalışqanını bildirdi.
Bundan evel Qırımtatar Milliy Meclisiniñ reisi Refat Çubarov işğal etilgen Aqyarğa Aqyar adını qaytarmaqnı teklif etti .
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
