Ternopilde elâk olğanlarnıñ sayısı 25 insanğa arttı, üçü bala ola, dep bildirdi Devlet fevqulâde vaziyetler hızmeti. 15 bala olğan daa 73 kişi Rusiye arbiyleriniñ noyabrniñ 19-nda saba endirgen darbesi neticesinde yaralandı.
“Zarar körgen ev yanında Ukrayinanıñ çeşit regionlarından Devlet fevqulâde vaziyetler hızmetiniñ 14 psihologı çalışa, 150 insan yardım aldı”, – dep aytıla qurtarıcılarnıñ haberinde.
Ukrayina Silâlı quvetleriniñ Ava küçleri haber etkenine köre, noyabrniñ 19-na keçer gecesi duşman 476 darbe uçucısızı ve 48 ava ve yer astı raketasını qullanıp, Ukrayinanıñ kritik infrastruktura obyektlerine darbe endirdi. Ukrayina Silâlı quvetleriniñ malümatına köre, Rusiye darbesiniñ esas yönelişi – Lviv, Ternopil, Harkiv vilâyetleri.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
