Link açıqlığı

Saatnıñ esas haberi

Telükesizlik kefaleti içün Ukrayinağa eñ azından 200 biñ sulh elçisi kerek — prezident Zelenskıy


Volodımır Zelenskıy
Volodımır Zelenskıy

Ukrayina prezidenti Volodımır Zelenskıy, ateş toqtatılması aqqında er angi añlaşmadan soñ, Rusiyeniñ Ukrayinağa yañı ücümini toqtatmaq içün eñ azından 200 biñ avropalı sulh elçisi kerek olacaq, dep bildirdi.

Bu aqta Ukrayina lideri Davostaki Bütündünya iqtisadiy forumı çerçivesinde Halqara media şurasınıñ temsilcileri ile körüşüvde ayttı.

"200 biñ, bu eñ azı. Bu, eñ azı, akis alda bu iç bir şey", — dep qayd etti Zelenskıy.

Ukrayina prezidentiniñ aytqanına köre, Rusiye silâlı quvetleri 1,5 million insannı teşkil etse, Ukrayina ise bu sayınıñ yarısını teşkil etecek olsa, telükesizlik kefaleti olaraq eñ azından bu miqdar kerek olacaq.

Zelenskıy, bu kibi quvetler Ukrayinağa kerek olğan telükesizlik kefaletleriniñ bir qısmı olacaqtır, dep qayd etti.

Daa evel britaniyalı matbuat, Büyük Britaniya baş naziri Kir Starmer ve Frenkistan prezidenti Emmanuel Makron, Rusiye-Ukrayina cenkiniñ toqtatılması aqqında añlaşma tizilse, Ukrayinağa britaniyalı ve frenk askerlerini barıştırıcı olaraq yollamaq imkânını muzakere etmege başladılar, dep bildirgen edi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG