Tehranda «Boeing» Ukraina uçağı tüşken qaza yerinde neler ola (video)

İranda yanvarniñ 8-nde saba «Boeing» Ukraina uçağı tüşti. «Ukraina halqara ava yollarınıñ» uçağı Tehran ava limanından çıqqanınen tüşti. Ukraina Tış işler nazirliginiñ malümatına köre, uçaqta 160-tan çoq insan bar edi. Kimse sağ qalmadı. Milliy telükesizlik ve mudafaa şurası, elâk olğanlar arasında 11 Ukraina vatandaşı – eki yolcu ve doquz ekipaj azası bar edi, dep bildirdi. İran naqliyat nazirligi, çıqqan uçaqnıñ köçüricilerinden biri yanıp başladı, dep bildire. Ukraina prezidenti Volodımır Zelenskıy elâk olğanlarnıñ tuvğanlarına taziyeler bildirip, Baş prokurorğa «Boeing» tüşmesinen bağlı cinaiy tahqiqat başlatmağa ve uçaq qazasınıñ versiyalarını baqmağa emir etti.