Suv anbarınıñ quruğan tübünde, atta ayvanlar qaça bilecek tikenli otlar ösip başladı. Suv tübünde soñki balıqnı tutqan balıqçılarnıñ araba izleri bar
"Beklenilgeni kibi, Taygan suv anbarında suv bütünley bitti, çünki Qırımnıñ cenübiy-şarqındaki meskün yerlerni yüksek kurort mevsimi devamında suvnen temin etmek kerek edi. Endi Taygan suv anbarınıñ kelecek sene ğayrıdan tiklenmesi pek mümkün degil, çünki o, Qarasuvbazar suv anbarı eñ azından 80% toldurılğan soñ toldurıla bile ve andan öz-özünden Taygan suv anbarı toldurıla", — dep izaatladı Qırım.Aqiqatqa telükesizlik sebebinden adını aytmağan yerli ülkeşınas.
Ülkeşınas, Qarasuvbazar suv anbarı şimdi de faydalı miqdarsız, kelecek sene qurğaqlıq tahminini köz ögüne alsaq, 2025 senesi mayıs ayına qadar suv seviyesi yeterli derecede olmaycaq, dep qoştı.
"Taygan suv anbarınıñ yedekleri olmasa, kelecek sene yazda Cenübiy-Şarqiy regionnıñ suv teminatını temin etmek büyük qıyım olacaq", — dep qoştı o.
Taygan suv anbarına Qarasuvbazar suv anbarından suv bergen kanal çoqtan berli boş qaldı, çünki Qarasuvbazar suv anbarında da suv seviyesi pek tüşti.
Qırımnıñ Rusiye yolbaşçısı Sergey Aksönov, ilhaq etilgen Qırımnıñ Rusiye akimiyeti Aluşta ve Bağçasaray rayonlarında daa eki suv anbarını qurmağa planlaştıra, amma bu Cenübiy-Şarqiy Qırımnıñ suv teminlevi meselesini çezmeycek, dep bildire.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
