Rusiye nezareti altındaki Qarasuvbazar rayonınıñ prokuraturası, “Taygan” Qırım safari parkında “Arslanlar ile kezinti”ni yasaqladı. Bu aqta parknıñ resmiy saytında yazılğan.
“Qarasuvbazar rayonınıñ prokurorı bizni “Arslanlar ile kezunti”den marum etti! Er vaqıt kibi, Oleg Alekseyeviçniñ (Oleg Zubkov - QA) mında olmağanını qullanıp, mahkeme qararı arslanlarnen kezintini yasaqladı”, - denile beyanatta.
“Taygan”, makeme qararını temyiz eteceklerini bildirdi.
“Biz küreşsiz teslim olmacaqmız. Ögde - apellâtsiya ve red etüvler. Bu hızmet içün küreş küçlü olacaq”, - dep yazılğan bildirmede.
2018 senesi iyülde “Taygan” parkında arslan turist Olga Solominanı tişlegen. Qadınıñ aytqanına köre, “Taygan” müdiri Oleg Zubkov o yerde edi, amma arslannı birden tınçlatıp olamadı.
Zubkov ise, Solomina sarğoş olıp, arslanğa qaşanğanğan ve bunıñ içün ayvan onı tişlegen, dep ayta.
