Aqyarda “Tavriyalı Hersones” müzey qoruğında açıq qapı künleri ilân etildi: onı iyün 14 ve 16 bedava ziyaret etmek mümkün. Bu aqta müesssiseniñ matbuat hızmeti bildirmekte.
Qoruqta añlatqanları kibi, böyle qarar Aqyar tiklenilmesiniñ 236 yıllığına (iyün 14) ve Troitsa (Üçlük) hristian bayramına (iyün 16) bağışlanğan.
“Bu künlerde saat 6:00-dan 20:00-ğace müzeyge kiriş bedava. Amma ücretsiz biletlernen tek müzey qoruğınıñ azbarına kirmek mümkün. Ekskursiyalar ve sergiler - ücretlidir”,- dediler matbuat hızmetinde.
Aqyarda iyün 14-ünde Nahimov meydanında Rusiye Kününe ve Aqyarnıñ 236 yıllığına bağışlanğan kontsert keçirilecek.
Aqyar merkezinde, Rusiye Künü ve Aqyar şeeri tiklenmesiniñ 236 yılığına bağışlanğan bayramları sebebinden, yol areketi bir qaç künge qapatılacaq.
