Qırım işğal etilgen soñ Herson vilâyetinde yerleşken Aqmescit «Tavriya» keçenlerde Qırım MC ve Aqyar Futbol Birleşmesiniñ Açıq Kubogınıñ ğalibi oldı. Bunı klubnıñ matbuat hızmeti haber etti.
Martnıñ 5-nde Yañı Kahovkada Kuboknıñ soñki oyunları olıp keçti. «Tavriya» DÜSŞ «Herson» taqımını 7:0 esabınen yeñdi.
Birinci taym vaqtında eki gol Andrey Barlad ve bir gol Andrey Fayuka urdılar. Oyunnıñ ekinci qısmında birer gol Aleksey Boyko, Vitaliy Onopko, Roman Boçak ve Maksim Bogdanov urıp kirsettiler.
Böylece «Tavriya» futbolcıları üçünci ğalebeni elde etip, ilk sefer Qırım MC ve Aqyar Futbol Birleşmesiniñ V Açıq Kubogınıñ ğalibi oldı.
Hatırlatamız ki, Yañı yıldan «Tavriya»nıñ yañı idmancısı Oleg Fedorçuk oldı.
