Rusiye İçki İşler Nazirliginiñ Qırım idaresi, "Tavrida" trassasında keçken afta olğan yol qazası sebebinden teşkerüv keçire.
Bunı oktâbr 14-ünde müessise matbuat hızmeti haber ete.
İİN-nde, qazada aydavcı ve WOLKSVAGEN TRANSPORTER maşnasınıñ yolcusı elâk olğanı ve üç adam yaralanğanı bildirile.
"Yol qazası sebebinden teşkerüv keçirile, onıñ neticesinde kerekli protsessual qarar qabul etilecek", - qayd ettiler müessisede.
Oktâbr 12-sinde "Tavrida" trassasında üç maşna çatıştı. Qazada bir qadın elâk oldı, dört adamnı hastahanege qoydılar.
Sıq-sıq olğan qazalar içün, Qırımnıñ yañı "Tavrida" trassasına "ölüm yolu" deyler.
