«Qırım» gazeti – sürgünlikten soñ yarımadada qırımtatarca basılğan ilk gazettir. Birinci sanı tam 32 yıl evelsi, 1989 senesi iyülniñ 7-nde, çıqtı. Başta gazetke abune olıp ya da satıp ala ediler, faqat yaqınlarda gazetniñ muarririyeti onı tükânçıqlarda satmaqtan vazgeçti. Gazet aftada bir kereden üç kerege qadar çıqa edi. Qırımnıñ Rusiye işğalinden soñ «Qırım» qıyın vaziyetke oğradı: muarririyet para almay, böylece gazet sanları eksildi.
«Qırımnıñ» doğğan künü: qırımtatar gazeti Qırımda nasıl çalışa (video)
«Qırım» gazeti – sürgünlikten soñ yarımadada qırımtatarca basılğan ilk gazettir. Birinci sanı tam 32 yıl evelsi, 1989 senesi iyülniñ 7-nde, çıqtı. Başta gazetke abune olıp ya da satıp ala ediler, faqat yaqınlarda gazetniñ muarririyeti onı tükânçıqlarda satmaqtan vazgeçti. Gazet aftada bir kereden üç kerege qadar çıqa edi. Qırımnıñ Rusiye işğalinden soñ «Qırım» qıyın vaziyetke oğradı: muarririyet para almay, böylece gazet sanları eksildi. Qırımnıñ Rusiye akimiyeti işğalden soñ qurulğan Gasprinskiy mediamerkezine kirmege teklif etti, lâkin qırımtatar gazetiniñ muarririyeti razı olmadı. «Bizden belli bir şekilde para mustaqilligimizni çekip alğanlarını begenmedik. Bizni idare etip, neşirniñ informatsion siyasetine tesir eteceklerini daa çoq begenmedik», – dep ayta baş muarriri Bekir Mamutov. 2015 senesi baarde gazeta Roskomnadzor tarafından kütleviy haber vastası olaraq qayd etilgenine dair şeadetname aldı. Yarımada işğali devamında muarririyet Roskomnadzordan bir qaç kere tenbi aldı. Bekir Mamutovnıñ aytqanına köre, tezden «[Roskomnadzor] söz serbestligini suistimal etüvni körgen maqale baqılacaq» mahkeme oturışuvı olacaq. Qırımtatar gazetiniñ muarririyeti bugün nasıl çalışa – Qırım.Aqiqatnıñ videosında seyir etiñiz.