Ukrayina ükümeti işğalden evel Qırımnıñ toponimik adlarını deñiştirmege imkân berecek qarar üzerinde çalışa, dep bildirdi Ukrayina Prezidentiniñ QMC temsilcisi Tamila Taşeva, haber ete Ukrinform.
''Cemaat alanında qırımtatarlarnıñ tarihiy adlarını eşitmek Ukrayina devleti içün pek müimdir. Bu tek devletimizniñ içinde ve işğal etilgen topraqlarda yaşağan vatandaşlar içün degil, halqara ortaqlarımız içün de küçlü bir işaret olacaq. Halqara ortaqlarımızğa tamır halqlarnıñ meselesi ile oğraşqanımıznı köstermek müimdir", - dedi o.
Bundan ğayrı, Taşevanıñ aytqanına köre, "ükümetke ve mütenasip müessiselerge tasil programmalarında qırımtatar halqınıñ tarihı, Qırım, qırımtatar tili ve edebiyatınıñ inkişafı aqqında daa çoq malümat berilmesi içün emirler berilecek".
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
