Qırım işğaliniñ aqibetlerini baş ete bilmek içün onlarca yıldır çalışmaq kerek olacaq ve eñ qıyın mesele kögnitiv işğalden azat etüv olacaq. Bunı Ukrayina Prezidentiniñ Qırım MC Daimiy temsilcisi Tamila Taşeva bildirdi, dep haber ete Ukrinform.
"Esas mesele ise yalıñız devlet organları, mülk meselessi, mahkeme sicilleri ve qararlarnıñ yoqlaması ile bağlı infraterkipnıñ yaratılması degil. Menimce, qıyın mesele kögnitiv işğalden azat etüv olacaq, yani insanlarnıñ aqlı ile çalışmaq", - dep qayd etti o.
"İşğal arbiy tecavuz neticesinde oldı. Amma qayd etmek kerek ki, biz uzun zamandır spetsifik regionlarğa diqqat etmedik. Şunıñ içün şimdi tamır halqlar ile bağlı olğan meseleler üzerinde, yaş nesilnen çalışmalımız", - dedi o.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
