Link açıqlığı

Saatnıñ esas haberi

Taşeva: "Qırım biñlerce ukrayin balanıñ qanunsız avuştırıluvı içün bir merkez kibi qullanıla"


Tamila Taşeva
Tamila Taşeva

Rusiye tarafından işğal etilgen Qırım "biñlerce ukrayin balanıñ qanunsız avuştırıluvı içün merkez" kibi qullanıla. Bunı iyülniñ 6-nda Ukrayina prezidentiniñ Qırım MC-deki daimiy temsilcisi Tamila Taşeva bildirdi.

"İşğal etilgen Qırım biñlerce ukrayin balanıñ avuştırıluvı içün merkez kibi qullanıla. Ve aslında, bu, yetim ve ana-babasınıñ vasiyliginden marum qalğan balalarğa kelgende, olarnıñ bazılarınıñ qaçırılmasıdır. Söz Rusiye Federatsiyasınıñ kelişilgen ve sistemli siyaseti aqqında ketkenine delil Putinniñ ukrayin yetim balaları içün sadeleştirilgen bir şekilde Rusiye vatandaşlığınıñ berilmesidir. Bundan ğayrı halqara qaidelerini ihmal etip, Rusiye vatandaşlarınıñ sadeleştirilgen bir protsedura ile Ukrayinadan balalarnı evlâtlıqqa almağa izin bergen Rusiye qanunlarına deñişmeler kirsetilmesiniñ faal muzakere etilmesi ve azırlanılmasâdır", - dep bildirdi Taşeva.

2022 senesi mayıs ayında Rusiye prezidenti Vladimir Putin "DNR", "LNR" ve Kıyivniñ nezareti alında olğan Ukrayinanıñ diger qısımlarından yetim balalarğa Rusiye vatandaşlığınıñ berilmesiniñ sadeleşti rilgen protsedurı aqqında ferman imzaladı.

İyünniñ 1-nde Ukrayina İİN keniş mıqyaslı istilâ başlanğanından berli eñ azı 234 biñ bala Ukrayinadan Rusiyege çıqarılğanını haber etti.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG