Ukrayina prezidentiniñ Qıırm MC daimiy temsilcisi Tamila Taşeva, 2014 senesinden soñ Qırımğa kelgen RF vatandaşları kütleviy şekilde yarımadanı terk eteler, dep bildirdi.
"Esasen 2014 senesinden soñ kelgen Rusiye vatandaşları faal şekilde Qırımnı terk etip başladı. Qırım köpründe pek büyük yük köremiz, daimiy aqıntılarnı közetmege tırışamız. İnsanlarnıñ kütleviy şekilde ketkenlerini köremiz", - dep qayd etti o.
Daimiy temsilciniñ sözlerine köre, soñki eki yılda Qırımda turistik mevsim yoq, fiyatlar arttqan, aylıqlar ve pensiyalar ise yoq.
"Qayd etilecek ilk şey, ealiniñ ruh alı yerli memuriyetlerge bayağı kritiktir. Ekincisi, insanlar cenkke çekik olğanını añlaylar. Arbiylerni, yüqarıdaki tikuçarlarnı, arbiy tehnikanı ve qapalı plâjlarnı körmemek mümkün degil", - dep ayttı o.
Refat Çubarov Qırımnıñ Rusiye akimiyeti Keriç köprü Ukrayinanıñ tam yüksek ve uzun mesafeli silâsı qarşısında zayıf olğanını añlap, Qırım ve Rusiye arasındaki parom keçitini tertipke qoya, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
