Gürcistan Merkeziy saylav komissiyası prezident saylavlarınıñ ğalibi olaraq Gürcistannıñ sabıq tış işler naziri Salome Zurabişvilini ilân etti: o, Gürcistan tarihında devlet yolbaşçısı saylanğan ilk qadın olacaq.
Ekinci turda reylerniñ aman-aman 100%-ı sayıldı, neticede Zurabişvilige saylayıcılarnıñ 59,6%-ı rey berdi, muhalifet namzeti Grigol Vaşadzege ise – 40,4%.
Merkeziy saylav komissiyasınıñ malümatına köre, Zurabişvilige 1 143 960 saylayıcı rey berdi, Vaşadzege – 775 302, qazanğan reyleri arasında aman-aman 20% ya da 528 biñ rey farq bar. Birinci tur neticelerine köre, qazanğan reyleri arasında 173 biñ rey ya da 1%-dan az farq bar edi.
Merkeziy saylav komissiyasınıñ ilk malümatına köre, Zurabişvili raqibini Gürcistannıñ aman-aman bütün okruglarında yeñdi, amma eki bölge istisna oldı: Rustavi i Telavi.
Olıp keçken prezident saylavları memlekette soñki doğrudan saylav oldı. Kelecek devlet yolbaşçısını 300 delegattan – belediye akimiyeti deputatları ve vekillerinden – ibaret parlament saylayıcıları kollegiyası saylaycaq.
