Mayısnıñ 18-nde Qırımtatar halqı soyqırımı qurbanlarınıñ Añma kününde Kıyivde "Tarihnı hatırlaymız – topraqnı qaytaramız" tedbiri keçirilecek, dep haber ettiler "QırımSOS" cemaat teşkilâtında.
Tedbir çerçivesinde "Taşkent-Tavaksay" cehennem yolu" art perfomansı keçirilecek. Onıñ vaqtında 13 yaşında olğanda 1944 senesi bütün qırımtatar halqı ile beraber Sovet akimiyeti tarafından Qırımda sürgün etilgen Nariman Kazenbaşnıñ kündeliginden bir qısmını diñlemek mümkün olacaq. Bundan ğayrı tedbir devamında musafirler siyasiy mabüslerge mektüp yazma marafonına qoşula ve 19 yıl evelsi ve bugünde qırımtatar halqına qarşı etilgen cinayetlerge bağışlanğan eki foto leyha ile tanışa bilecekler.
Tedbir mayısnıñ 18-nde saat 12-nde Ukrzaliznıtsânıñ Qırmızı zalında keçirilecek.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
