''Volodımır Zelenskıy ve men bugün uzun müddetli telükesizlik mecburiyetlerimiz aqqında añlaşma imzaladıq - tarihiy adım. Almaniya, Rusiyeniñ işğalci cenki vaziyetinde Ukrayinağa qoltutmağa devam etecek. Ukrayinağa şan-şerefler", - dep yazdı Şolts X içtimaiy ağında.
Volodımır Zelenskıy fevralniñ 16-nda Almaniyağa keldi, daa soñra o Frenkistannı ziyaret etecek.
''Ögümde eki müim kün. Almaniya ve Frenkistandaki ortaqlarnen körüşüvler, yañı añlaşmalar ve München telükesizlik konferentsiyasında iştirak planlaştırıla. Ukrayinanıñ yañı telükesizlik mimarlığı, yañı imkânlar. Cenkni tez vaqıtta adaletli ukrayin şartlarında bitirip, telükesiz barışıqnı temin etmek içün elimizden kelgenini yapamız", - dep yazdı o telegramda.
Ukrayina prezidenti Volodımır Zelenskıy ve Büyük Britaniya baş naziri Rişa Sunak yanvarniñ 12-nde Sunaknıñ Kıyiv ziyareti vaqtında eki taraflı havfsızlıq añlaşmasını imzaladılar. Büyük Britaniyanıñ bu vesiqa boyunca telükesizlik borcu Ukrayinanıñ NATO-ğa qoşulğanına qadar devam etecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
