Qırımda rusiyeli Tahqiqat komiteti Saq rayonınıñ 45 yaşındaki sakinini öldürüvde qabaatlap, mahkemege cinaiy davanı yolladı. Bunı müessiseniñ matbuat hızmeti bildire.
"Aqay, yolda rastkelgen qadınnen bir qaç kere tanışmağa tırıştı, amma red etildi. Soñra onı toqal nesnenen boynuna urıp, oña ücüm etti. Bundan soñ qadın vefat etti. Aqay başta Saq rayonından, soñra Aqyarda saqlana edi", - denile beyanatta.
Tahqiqat komitetiniñ malümatına köre, aqaynı bundan evel bir qaç kere cinaiy mesuliyetke, şu sıradan "oğlan balanıñ öldürüvi" içün celp ete ediler.
Müessise, aqay qabbatını bütünley tanığanını ve tahqiqat eksperimenti vaqtında cinayetni nasıl yapqanını aytıp bergenini ve köstergenini qoştılar.
Qabaatlanğannıñ açıq tefsirleri yoq.
