Tamir işleri sebebinden suv qapatılacağı içün, Kezlev (Yevpatoriya) sakinlerine, onı toldurıp qoymağa rica eteler. Bu aqta "Voda Krıma" müessisesiniñ matbuat hızmeti bildirmekte.
"İstisal işlerini temin etmek içün, iyül 9-ında saat 22:00 başlap, iyül 10-unace saat 8:00 qadar, suv borularında şeer basımını eksiltmek kerek. Suvnı toldurıp qoymağa rica etemiz. Suv ihtiyacı olsa, Kezlev filialı onıñ ketirmesini azırlar. Bu, Kezlev suv sistemasını ve Büyük Yalı Moynaq gölüniñ ekologik vaziyetini yahşılaştırmaq içün yapıla", - denile beyanatta.
Qırımda suvnı sıq-sıq qapatar. Bu, ağlarnıñ ipranğanınen ve suv ve çirkef borularınıñ yarılğanınen bağlı.
Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.
